محمد هنيدي : أحب المزاح مع المتابعين على السوشال ميديا ومحمد صلاح والسقا أكثر المتفاعلين

محمد هنيدي : أحب المزاح مع المتابعين على السوشال ميديا ومحمد صلاح والسقا أكثر المتفاعلين

مدى بوست – فريق التحرير

حلّ النجم محمد هنيدي ضيفاً على المذيعة لميس الحديدي في برنامجها الجديد “كلمة أخيرة”، وتحدث فيه لأول مرة عن علاقته بالسوشال ميديا، بالذات وهو واحد من مشاهير تويتر، بسبب مزحاته الكثيرة وإفيهاته التي تثير الضحكات وتنتشر سريعاً على منصات التواصل الاجتماعي.

وقال هنيدى، أول ما حصلت النقلة بتاعة السوشيال ميديا، كان لازم أعيش النقلة دى لأن من زمان كان نفسى يكون في تواصل بينى وبين الناس، وده حصل فعلا معايا وبقيت أقولهم حاجات وأحيانا نهزر ونحاول نرسم أي بسمة على وجوه الناس، ومعظم أصحابى بيتفاعلوا معايا زى السقا وأحمد فهمى وكمان محمد صلاح.

نجيب الريحاني أكثر من يضحكه

وقال هنيدي أنه لا يعاني من فوبيا من الحيوانات ولكن لديه فوبيا بسيطة من الأماكن المرتفعة، كما كشف أنه لو لم يكن ممثلا كان يحب أن يكون ضابط شرطة ولكن عنصر الطول وقف في الموضوع، ولم يتم قبوله في كلية الشرطة.

محمد هنيدي
محمد هنيدي – إنترنت

وعن أكثر شخص يضحكه قال: “في الزمن الجميل الفنان الراحل نجيب الريحانى من خلال الـ5 أفلام بتوعه، وفى كمان عظماء كتير مش عاوز أنسى حد، ولكن منهم فؤاد المهندس وعبد المنعم مدبولى وأمين الهنيدى، مروراً بالأستاذ عادل إمام وسعيد صالح وسيد زيان ومحمد نجم، إحنا عندنا كتير أوى أوى”.

وأضاف: ” أنا بنصح كل مؤلف شاب عاوز يكتب فيلم كوميدى لازم يشوف الخمس أفلام بتوع الفنان الراحل نجيب الريحانى، وأنا علطول بتفرج عليه في البيت وبتفرج على أفلام أبيض وأسود كتير ومزهق العيال في البيت.”

علاء وليّ الدين لم يغب عن باله

وتحدث هنيدي عن علاقته بالفنان الراحل علاء وليّ الدين، وقال: ” أنا عمرى ما حسيت أنه غاب لأن في أي قعدة سيرته بتيجى والجمهور فاكره علطول وهو حالة جميلة قعدت معانا شوية ورحل ولكن فضل منه ذكريات وضحك وحاجات جميل، وانا لما بزور أخوه معتز وأدخل غرفته بفتكر كل حاجة.”

محمد هنيدي
محمد هنيدي – إنترنت

وتابع: “كمان الفنان الراحل خالد صالح، أنا أعرفه من زمان من قبل علاء ولى الدين، وكنا طلبة ومجانين تمثيل، وكنا متأكدين أنه هيظهر وهايكون نجم مهما أتأخر ظهوره، وهو فعلا لم ييأس وفضل مكمل لغاية لما ربنا كرمه وبقى نجم وبقى له رصيد كبير.”

أولاده يقلدونه على تيك توك

وبالتأكيد تحدث هنيدي عن حياته خلال أزمة فيـ.ـروس كورونا وقال: “أكيد الكورونا بتخوف وكنا في الأول مانعين الخروج بالأخص في أول شهرين وكنا واخدين كل الاحتياطات، وكانت اللمة حلوة في أول 10 أيام ومبسوطين وبعد كده بقى ابتدى كل واحد يفضل في غرفته، لغاية لما ربنا وسعها ونزلنا بقى وسبناها على الله”.

أما عن أولاده، فتحدث عنهم بفخر، وحكى أنهم يحبون مشاهدة أفلامه وتقليده، فقال: ” ولادى بيقلدونى في التيك توك لكن مش بينزلوها، وأكتر حاجة عجبتنى منهم كانت لما عملوا مشهد خالتى نعيمة وحاجات في وش إجرام ولقيتهم إلى حدا ما دمهم خفيف.”

يذكر أن برنامج “كلمة أخيرة” تقديم الاعلامية لميس الحديدي ويذاع  من السبت إلى الثلاثاء في تمام التاسعة على شاشة “ON”.

تعليقات فيسبوك

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق