نجل سلاف فواخرجي يستذكر تجربته في التمثيل معها والأخيرة تعلق: “أنت أكبر من اللي كنت بحلم فيه”

نجل سلاف فواخرجي يستذكر تجربته في التمثيل معها والأخيرة تعلق: “أنت أكبر من اللي كنت بحلم فيه”

مدى بوست – فريق التحرير

استذكر علي رمضان نجل الفنانين السوريين سلاف فواخرجي ووائل رمضان تجربته الأولى في التمثيل عبر تدوينةٍ مطولة نشرها عبر حسابه في موقع التواصل الاجتماعي إنستغرام.

وروى علي في منشورٍ له تجربته الأولى في التمثيل التي خاضها بمساعدة والدته معبراً عن امتنانه للدعم الكبير الذي قدمته له ومشاعر السعادة والمخاوف التي شعر بها.

وكتب علي في منشوره: “مر وقت، والله حاسه كأنه امبارح، وقت اجيتي عغرفتي وقلتيلي، علي.. بدك تمثل؟ وقتها أنا جنيت وطرت من الفرحة، لأنو انتي كنتي بتعرفي اديش بحب التمثيل وقديش جاي ع بالي وحابب كتير حابب”.

علي وائل رمضان يروي تجربته في التمثيل

وأضاف علي مستذكراً المشاعر المختلطة التي اعترته لدى وقوفه أمام الكاميرا: “ووقت بلشنا كنت خايف من الكاميرا كتير بس اتذكر انك كمان كنتي تقولي انك بتخافي من الكاميرا لحد هلأ فإهدا شوي، بس مابعرف وقتها ليش بكيت، فرحة وخوف وكتير شغلات”.

وتابع قائلاً: “تحملتيني وخفت بزيادة بصراحة انك كنتي عم تتحمليني لاني ابنك، بس ارتحت لما قالولي انك كنتي هيك مع الكل، وشو شفت حالي فيكي”.

ثم أضاف: “واجيتي لعندي مشان تضحكيني، ووقعنا ع ورق الشجر انتي وعم تلعبيني، أو عملتي حالك عم توقعي متلي، وقعدنا عالأرض بين العشب وصرتي تقليلي كيف هي القصة ما بدها بكي بالعكس فيها فرح وإذا بكيت كمان معلش لأنها كمان أحاسيس حلوة، وكيف أنا قدها، وقديش انتي واثقة فيني، وإنها لعبة بس لعبة لازم نصدقها ونحترمها”.

ابن سلاف فواخرجي لها: كل اللي بحلم فيه كون الك سند حقيقي

واستكمل علي منشوره قائلاً: “وغنيتيلي “كان في قطقوطة مقطقطة” تبع نيللي، فقمت بقوة مع تشجيعك ووقفت ادام الكاميرا، بس طلعت قصير زيادة (وقتها طبعا) ولقيتيلي حل متل ما دائما بتعملي.. وقلتيلهم يحطولي خشبة تحت رجليي، وعملت المشهد بسلام، صحيح عدته كذا مرة لاني اطلعت عالكاميرا مرتين تلاتة (بس معلش كنت لسا جديد).

وعبّر عن فخره بوالدته بالقول: “الكل زقفلي وكنتي فخورة فيني وكنتي مو بس مخرجة كنتي أم، وقالولي انك كنتي أم للكل مو بس الي، وصرت أنا فخور فيكي، وحبيتك أكتر”.

واختتم علي رمضان منشوره بالتعبير عن سعادته لخوض تلك التجربة بكل ما فيها: “حلوة هالأوقات معك ماما بكل لحظة حلوة وصعبة، حلوة لأنك رفيقة قبل ماتكوني أم، وكل اللي بحلم فيه اني كون الك رفيق حقيقي، وسند متل مابتقليلي، ورجال تفتخري بعلمه وعمله وتعامله وأخلاقه”.

سلاف فواخرجي ترد على نجلها علي: أنت أكبر من اللي كنت بحلم فيه

ردت الفنانة سلاف فواخرجي على منشور نجلها علي عبر تعليق أكدت فيه أنها عاجزة عن الرد على كلامه لما يحمله من مشاعر عظيمة، وأعادت نشر تدوينته عبر حسابها في إنستغرام.

وكتبت فواخرجي: “بعد هالكلام كله وهي المشاعر العظيمة بعجز عن الرد قدامك… بس بقلك انك اكبر من اللي كنت بحلم فيه… الله يخليلي ياكم”.

وحظيت تدوينة سلاف فواخرجي على تفاعل عدد كبير من المتابعين، كما تفاعل الفنان محمود نصر بالتعليق: “كل هاد الكلام طالع منو.. حبيبي ما أغلاااا.. عنجد كأنو مبارح.. الله ببعتلو أيام حلو علي الوحش.. و يخليلك يا و يخليكي فوق راسو”، وكتب أيمن عبد السلام: “حبيبي الله يحميه وتضلي فوق راسو يارب”.

وعلي هو الابن الأصغر للفنانة سلاف فواخرجي من زوجها الممثل والمخرج وائل رمضان، حيث أثمر زواج الثنائي عن ولدين هما حمزة وعلي.

يذكر أن علي وائل رمضان خاض عدة تجارب في مجال التمثيل منها: “ناس من ورق”، “رجال من رماد”، “حدث في دمشق”.

تعليقات فيسبوك

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق