شكران مرتجى: رحيل أمي الشعرة التي قصمت ظهري ولا أستطيع تحمل شيء الآن (صورة)

شكران مرتجى: رحيل أمي الشعرة التي قصمت ظهري ولا أستطيع تحمل شيء الآن (صورة)

مدى بوست_فريق التحرير

شاركت الفنانة شكران مرتجى متابعيها على موقع فيسبوك تدوينة تشرح فيها حالتها النفسية بعد فقدانها لوالدتها وترد على من يعتبر حزنها على والدتها مبالغًا به.

مرتجى كتبت: “كتار بيشوفوا حزني ع أمي مبالغ فيه، بعرف.. ولكن الحقيقة وفاة أمي فجرت حزن العالم كله اللي جواتي، ما كنت بعرف إني صابرة ع كتير شغلات بالحياة لأنه كان فرحي وجودها ولو ما شفتها كل يوم”.

وأضافت: “كانت محققتلي حالة من الرضا غريبة وحالة تقبل كل الظروف بطريقة غير مباشرة، وفاة أمي الشعرة التي قصمت ظهري.. نعم”.

شكران مرتجى ووالدتها

شكران مرتجى: لم أعد تحمل شيء

تابعت الفنانة شكران مرتجى حديثها عن حزنها، فكتبت: “هلق أنا بحالة من عدم تحمل أي شي وخاصة الحال العام اللي كلنا عم نمرق فيه، صرت حقيقة شوف الكاسة فاضية حتى لو مليانة”.

وأضافت: “كانت هي بمثابة الداعم لقلبي كل ما بده يفرط، هالداعم ما بيخليه بعتقد في شي هيك بجراحة القلب وإذا ما في بقترح يعملوه وخاصة للي فقدوا أمهاتهم أو داعميهم من الأحبة”.

وتابعت: “بالمختصر اللي ناطرني أرجع متل ما كنت هئ وتسئ وما بعتقد صعب كتير، مو لأني دراما كوين، لأنه أمي أخدت معها كل شي حلو، أنا هلق بستحي أضحك وإذا بدي أضحك شوي شوي ما رح أعرف كيف”.

 واستطردت: “ما بعرف شو قادم الأيام، أكيد الحياة بدها تستمر بس مو متل قبل ٢٦/٣/٢٠٢٢ بس بعد أمي رح أحفر وطم وباقي ما تبقى بعد أمي هو عبث وما قبل وفاة أمي غير ما بعد رحيل أمي”.

مؤمنة بالقضاء والقدر

أكدت الفنانة شكران مرتجى أنها مؤمنة القضاء والقدر، فكتبت: “كتار رح يفهموني الله يرحم أمهاتكم وكتار ما رح يفهموني الله يخليلكم أمهاتكم وما حدا يقلي قلة إيمان، بالعكس.. راضية بقضاء الله وقدره الحمد لله”.

وأضافت: “أكيد ما عم اطلب تعاطف، هاد وضعي عم وضحه بالتفصيل لأول وآخر مرة، دائرة معارفي وأصدقائي صغرت كتير كتير كتير، تقريبًا عدد الإيد الوحداة”

وتابعت: “أمي أخدت معها كتار حقيقة ومجازيًا.. طبعًا خسارتي كبيرة كتير ورح ضل أبكي ع فكرة ورح ضل حزينة، هي أمي مو حيالله واللي بيحبني حقيقة بيقدر هالشي وبيدعيلي أو فليصمت ويبتعد”.

وختمت مرتجى تدوينتها بالقول: “أنا هلق بالضبط متل بنت صغيرة كانت ماسكة ايد أمها، فجأة هالإيد راحت والبنت بالعجقة عم تدور ع أمها وتبكي وتقول للعالم بدي أمي بدي أمي”.

شكران مرتجى

تعليقات فيسبوك

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق